अक्सिजन कंन्सन्ट्रेटर हस्तान्तरण

स्वास्थ्य-शिक्षा

गृहपृष्ठ
स्वास्थ्य-शिक्षा

अक्सिजन कंन्सन्ट्रेटर हस्तान्तरण

ग्लोबल संवाददाता आइतबार, साउन १०, २०७८

नुवाकोट । यशोदादेवी भगवानसिंह केसि मेमोरियल ट्रस्टले नुवाकोटको तादी गाउँपालिका स्थित नर्जा र बिदुर नगरपालिका वडा न १० गेर्खुटार मा एक एक थान अक्सिजन कन्सन्ट्रेटर, माक्स, पिपिई लगायत स्वास्थ्य सामाग्रीहरु हस्तान्तरण गरेको छ ।

ट्रस्टका अध्यक्ष डा केदार नरसिंह केसी र महासचिब जगदिश्वरनरसिंह केसीले एक कार्यक्रमका बीच उक्त सामाग्री हस्तान्तरण गर्नुभएको हो। 'सामाजिक कामलाई राजनीतिसँग जोड्नु हुँदैन, मानव जगतमा परेको यो महामारीमा सबैलाई सबैले सकेको सहयोग गर्नुपर्छुु' भन्ने मुल मान्यता राखी कोभिड १९ महामारीमा जिल्लावासीलाई अक्सिजनको अभाव हुन नदिन स्वास्थ्य सामाग्री उपलब्ध गराइएको महासचिव केसीले बताउनु भयो ।

पछिल्लो समय जिल्लामा कोभिड १९ को नयाँ प्रजाती डेल्टा भेरियन्ट देखा परेको अवस्थामा थप जोखिम बढ्ने हुँदा यसतर्फ सचेत रहन उहाँले अपील गर्नुभएको छ । उहाँले सामाग्री उपलब्ध गराउने र व्यवस्थापनमा सहयोग गर्ने संस्था र दाताहरुलाई धन्यवाद व्यक्त गर्नुभएको छ ।

प्रकाशित मिति: आइतबार, साउन १०, २०७८ १०:३०

प्रतिक्रिया दिनुहोस्