सिन्धुलीको मरिण गाउँपालिकामा बृहत्तर खानेपानी आयोजना निर्माण थालनी

समसामयिक-समाचार

गृहपृष्ठ
समसामयिक-समाचार

सिन्धुलीको मरिण गाउँपालिकामा बृहत्तर खानेपानी आयोजना निर्माण थालनी

ग्लोबल संवाददाता बिहीबार, पुस ७, २०७९

सिन्धुली । जिल्लाको मरिण गाउँपालिकामा संघीय सरकारको ‘एक घर एक धारा’ अभियानअन्तर्गत बृहत्तर खानेपानी आयोजना निर्माण सुरु भएको छ ।

१० करोड ८८ लाख रुपैयाँको लागतमा आयोजना बनाउन लागिएको गाउँपालिकाका अध्यक्ष विमर्श मुक्तानले बताउनुभयो । उहाँका अनुसार आयोजनाको खानेपानी वडा नम्बर ६ र ७ का उपभोक्तालाई वितरण गरिनेछ । सरकारले चालु आर्थिक वर्ष २०७९/८० को बजेटमा पालिकालाई नमुना सहर बनाउने घोषणा गरेको छ । सोहीअनुसार पूर्वाधार निर्माण सुरु भएको पनि अध्यक्ष मुक्तानले प्रस्ट पार्नुभयो ।

सुनकोसी-मरिण ड्राईभर्सनसँग पनि छलफल गरेर केही ठाउँमा सिँचाईको लागि कुलो निर्माण गर्ने विषयमा छलफल भइरहेको पनि उहाँले बताउनुभयो । 'विस्तृत परियोजना प्रतिवेदन (डीपीआर)मा ड्राईभर्सनको पनि त्यो कार्यक्रम रहेको हुँदा सबै खेतीयोग्य जमिनमा मरिणमा सुनकोसीको पानी आइसकेपछि प्रयोग गर्न सक्छौं । जसले गर्दा मरिणमा कृषिमा वृद्धि हुने र वृद्धि गराउन सकिने देखिन्छ,' उहाँले भन्नुभयो ।

सुनकोसी मरिण ड्राईभर्सन गइसकेपछि आवतजावतमा समस्या हुने देखिन्छ । कोसी आइसकेपछि हिउँदोको समयमा पनि आवतजावतमा समस्या हुन्छ । त्यस कारणले पुलको आवश्यक रहेको अध्यक्ष मोक्तानको भनाइ छ ।

'सिंगो मरिणको हकमा मरिण सुनकोसी डाईभर्सनबाट मुख्य ठाउँमा ड्याम बनाउने भन्ने छ । मरिणको सवालमा सुनकोसी मरिण डाईर्भसनसँग आश गरेका छौं । डाईभर्सनको निर्देशकसँगैको टिमसँग प्रेजेन्टेसन पनि भएको थियो । मरिणमा ड्याम अथवा तटबन्ध बनाएर संरक्षण गर्ने कुरा छ,' उहाँले भन्नुभयो ।

प्रकाशित मिति: बिहीबार, पुस ७, २०७९ ०९:१५

प्रतिक्रिया दिनुहोस्