तामाङ घेदुङ इजरायलको निर्माणमा 'ह्याङ्ला ताम्सालिङ' गीत सार्वजनिक

मनोरञ्जन-साहित्य

गृहपृष्ठ
मनोरञ्जन-साहित्य

तामाङ घेदुङ इजरायलको निर्माणमा 'ह्याङ्ला ताम्सालिङ' गीत सार्वजनिक

ग्लोबल संवाददाता सोमबार, कात्तिक १३, २०८०

काठमाडौं । नेपाल तामाङ घेदुङ इजरायलको निर्माणमा 'ह्याङ्ला ताम्सालिङ' गीत सार्वजनिक भएको छ ।

सुन्दर योन्जन तामाङको शब्द र विश्व दोङ तामाङको संगीत रहेको उक्त गीत सोमबार ताम्सालिङ संयुक्त संघर्ष समितिका अध्यक्ष एवं पूर्वराजदूत डा गणेश योञ्जन तामाङले भर्चुअल माध्यमबाट विमोचन गर्नुभएको हो । गीतमा तामाङ समुदायका चर्चित कलाकारहरु इन्दिरा गोले, रोज मोक्तान, जमुना योन्जन, सन्जीब वाइबा, विश्व दोङ, विशाल कल्तान, निर्मला घिसिङ, जितु लोप्चन, फूलकुमार बम्जन, सुमिना लो, जीवन बम्जन, बैरागी मोक्तान, रेश्म बम्जन, खेम मोक्तान, लक्ष्मी स्याङ्तान, प्रदीप लामा, अन्जु थोकर, सारा लामा र अर्पण थिङको स्वर रहेको छ ।

तामाङ भाषामा रहेको गीतलाई विश्वदोङ युट्युब च्यानलमार्फत सार्वजनिक गरिएको छ । गीतमा ताम्सालिङ राज्य निर्माणका लागि एक भएर उठौं भन्ने सन्देश दिइएको छ । साथै तामाङ समुदायको विभिन्न सन्धि, सम्झौता, महासन्धि र संविधानमा लेखिएको अधिकार लिन विश्वबाटै जुट्न अपिल गरिएको छ ।

प्रकाशित मिति: सोमबार, कात्तिक १३, २०८० २२:२३

प्रतिक्रिया दिनुहोस्