ओली भन्नुहुन्छ- 'गठबन्धनलाई जनताको आँगनमा लगेर पछार्नुपर्छ'

राज्य-राजनीति

गृहपृष्ठ
राज्य-राजनीति

ओली भन्नुहुन्छ- 'गठबन्धनलाई जनताको आँगनमा लगेर पछार्नुपर्छ'

ग्लोबल संवाददाता शनिबार, चैत ५, २०७८

काठमाडौं । नेकपा एमालेका अध्यक्ष केपी शर्मा ओलीले अहिलेको गठबन्धनलाई 'जनताको आँगनमा पछारिदिने' बताउनुभएको छ । उहाँले भन्नुभयो, 'यो गठबन्धन त केही पनि होइन, यो जनताले बनाएको हो र ? यो त अदालतले बनाइदिएको हो । यस्तालाई जनताको आँगनमा लगेर पछार्नुपर्छ । मुद्दा जितेर आएको सरकारलाई मुद्दा लड्न जा भन्दिने हो । यिनीहरू झगिडया हुन् । झगडियाको काम मुद्दा लड्ने हो ।'

एमाले सम्पर्क समन्वय कमिटीले शनिबार आयोजना गरेको कार्यकर्ता भेला तथा प्रशिक्षण कार्यक्रमलाई सम्बोधन गर्दै अध्यक्ष ओलीले एमाले अहिले पनि प्रथम पार्टी भएकाले चुनावमा जाँदा राम्रा कामको प्रचार गर्नुपर्ने बताउनुभएको हो । त्यस्तै कांग्रेससँग कुनै पनि एजेन्डा नभएकाले अघिल्लो सरकारको भण्डाफोर गर्ने नीति भनेर हल्ला गरेको पनि ओलीको भनाइ छ ।

कांग्रेसप्रति आक्रामक हुँदै ओलीले भन्नुभयो, 'कांग्रेसले अघिल्लो सरकारको भण्डाफोर गर्ने रे । कांग्रेसले जे पायो त्यही बोल्छ उसको यो पुरानो बानी हो । तपाईं हामीले सुनेका छौं ६० वर्षमाथिका बूढाबूढीलाई कम्युनिस्ट सरकार बन्यो भने गोली हानेर मार्छ भन्थे । अब बूढाबूढीको छेउमा कांग्रेस जाओस् त ।'

प्रकाशित मिति: शनिबार, चैत ५, २०७८ १२:३४

प्रतिक्रिया दिनुहोस्