खोटेहाङ गाउँपालिकामा गठबन्धन विजयी

समसामयिक-समाचार

गृहपृष्ठ
समसामयिक-समाचार

खोटेहाङ गाउँपालिकामा गठबन्धन विजयी

ग्लोबल संवाददाता मंगलबार, जेठ ३, २०७९

खाेटाङ । स्थानीय तह निर्वाचन २०७९ को नतिजा देशैभरिबाट आउँदै गर्दा खोटाङको नतिजाले धेरैलाइ झस्काएको छ । नेकपा एमालेका प्रमुख सचेतक विशाल भट्टराईको पालिकामा एमालेको लज्जास्पद हार भएको छ ।

खोटाङ जिल्लाको खोटेहाङ गाउँपालिका भट्टराईको गृहपालिका हो । जहाँ ९ वडाहरु मध्ये गठबन्धलने अध्यक्ष उपाध्यक्षलगायत ६ वडामा शानदार जित हासिल गरेको छ । नेकपा माओवादी केन्द्रले अध्यक्षलगायत ५ वडा साथै नेपाली काङ्ग्रेसले उपाध्यक्षसहित २ वटा वडामा जित हासिल गर्दा एमालेले जम्मा २ वटा वडामा चित्त बुझाएको छ ।

नेकपा एमालेको अध्यक्षको उम्मेदवार निवर्तमान पालिका उपाध्यक्ष कविता राई र उपाध्यक्षको उम्मेदवार राजन भट्टराईलाई पराजित गर्दै गठबन्धन्को तर्फबाट अध्यक्षको उम्मेदवार नेकपा माओवादी (केन्द्र) का उदिमबहादुर राई मुक्ति र उपाध्यक्षको उम्मेदवार नेपाली काङ्ग्रेसको रुपेश राइले शानदार जित हासिल गर्नुभएकाे छ ।

प्रकाशित मिति: मंगलबार, जेठ ३, २०७९ ०९:३२