रासायनिक मलको अभावबारे संसदमा २ घन्टा छलफल हुने

राज्य-राजनीति

गृहपृष्ठ
राज्य-राजनीति

रासायनिक मलको अभावबारे संसदमा २ घन्टा छलफल हुने

ग्लोबल संवाददाता सोमबार, जेठ ३०, २०७९

काठमाडौँ। रासायनिक मलको अभाव भएको बारेमा नेकपा एमालेका सांसदहरुले पेश गरेको प्रस्तावमाथि छलफल गर्न सभामुख अग्निप्रसाद सापकोटाले २ घण्टाको समय छुट्याउनुभएको छ ।

प्रतिनिधि सभाको बैठकमा नेकपा एमाले संसदीय दलका प्रमुख सचेतक विशाल भट्टराईले रासायनिक मलको विषयमा छलफल गर्न भन्दै प्रस्ताव पेश गर्नुभएको थियो ।

भट्टराईले प्रस्ताव पेस गरेपछि सभामुखले छलफलका लागि २ घण्टाको समय निर्धारण गर्नुभएको हो । संसदमा आगामी आर्थिक वर्षको बजेटमाथि विषयगत छलफल गर्ने नियमित कार्यसूची स्थगित गरेर २ घण्टा मलको आपूर्तिका सन्दर्भमा छलफल हुन लागेको छ ।

एमालेका १५ सांसदले संघीय संसद् सचिवालयमा मलको विषयमा छलफल गर्ने प्रस्ताव दर्ता गराउनुभएको थियो ।

धानलगाउने समय सुरु भइसक्दा पनि किसानले मल पाउन सकेका छैनन् । देश भरका किसानले मल पाउन नसकेको भन्दै सरकारको आलोचना भइरहेको छ ।

प्रकाशित मिति: सोमबार, जेठ ३०, २०७९ १२:२६

प्रतिक्रिया दिनुहोस्